Орална хирургија
Оралната хирургија опфаќа хируршки интервенции во устата што се изведуваат безбедно, во стерилни услови и под локална анестезија. Секој зафат го планираме однапред, за да биде што помирен и попредвидлив за вас.
Подготовка пред интервенцијата
Пред секоја оралнохируршка интервенција се закажува консултативен преглед, при кој се вршат клиничка проценка и детална анамнеза, со цел да се утврди општата здравствена состојба на пациентот и да се испланира соодветниот третман.
Во зависност од видот и сложеноста на интервенцијата, се препорачува изработка на 2D панорамска рендген-снимка или 3D CBCT-снимка, која овозможува прецизна проценка на забите, коскените структури и околните анатомски формации.
За време на консултацијата, пациентот треба да го информира стоматологот за сите актуелни и хронични системски заболувања, алергии и лекови што ги зема. Овие информации се од особено значење за утврдување на можните контраиндикации и проценка на потребата од дополнителни испитувања или консултација со специјалист, вклучително и интернист.
По завршената проценка, пациентот добива индивидуални инструкции за подготовка и се договара термин за интервенцијата. Пред интервенцијата се препорачува пациентот да биде одморен и наспан, и да има консумирано лесен оброк.
По интервенцијата
По завршувањето на интервенцијата, пациентот добива писмени постоперативни инструкции за правилна орална хигиена, исхрана, нега на оперативната регија и текот на закрепнувањето. Доколку е индицирана медикаментозна терапија, се издава соодветен рецепт, а пациентот е должен да ги почитува препораките за употреба на препишаните лекови, вклучувајќи ја дозата, начинот и времетраењето на терапијата.
Доследното следење на добиените инструкции и редовните контролни прегледи се од особено значење за правилно заздравување и намалување на ризикот од постоперативни компликации. Времетраењето на закрепнувањето зависи од видот и сложеноста на интервенцијата, како и од индивидуалната здравствена состојба на пациентот.
Често поставувани прашања
Дали ќе чувствувам болка?
Оралнохируршките интервенции се изведуваат под локална анестезија, која овозможува безболно изведување на зафатот. За време на интервенцијата може да почувствувате притисок или вибрации, но не би требало да чувствувате болка. По престанувањето на дејството на анестезијата, можно е да се појават болка, оток или чувство на непријатност, чиј интензитет зависи од видот и сложеноста на интервенцијата. За соодветна контрола на постоперативната болка ќе добиете индивидуални препораки.
Колку трае заздравувањето?
Времетраењето на заздравувањето зависи од видот и сложеноста на интервенцијата, како и од индивидуалната здравствена состојба на пациентот. По поедноставни интервенции, пациентите најчесто се враќаат кон секојдневните активности во рок од 1 до 2 дена. Кај посложените хируршки зафати, отокот и непријатноста може да траат неколку дена. По интервенцијата ќе добиете соодветни упатства за постоперативна нега и контролни прегледи.
Колку чини?
Цената зависи од видот на интервенцијата. Видете го ценовникот или побарајте понуда по прегледот.
Подготвени сте да закажете?
Јавете се или пишете ни на Viber или WhatsApp. Тука сме за вас.